UHyundai uyaqhubeka nokudlondlobala kuleli

Ukwamukelwa ngezandla ezimhlophe kwezimoto zakwaHyundai kuvele obala njengoba le nkampani yaseSouth Korea iqhubeka nokwandisa amandla ayo kuleli. 

Isizathu esikhulu salokhu kukhula yikhwalithi nethemba abathengi abanalo kulezi zimoto.

Lokhu sekuholele ekutheni uHyundai Automotive South Africa uvule igaraji elisha sha, iHyundai Foreshore, phakathi nenkaba yeKapa. 

Lokhu kwandiswa kwengqalasizinda kuza ngenxa yesidingo esikhulu sezimoto ezifana neCreta, Tucson, neGrand i10, ezidume kakhulu ngokonga uphethiloli nokuqina emgaqweni.

Isikhulu esiphezulu kule nkampani, uStanley Anderson, uzwakalise ukubonga okukhulu ngokwesekwa okutholwa yile nkampani eWestern Cape. 

U-Anderson ugcizelele ukuthi ukuvulwa kweHyundai Foreshore akukhona nje ukudayisa izimoto, kodwa wukusondeza usizo lwe-after-sales nezinsizakalo zokulungisa izimoto kubashayeli baseKapa.

Ngokuvula leli garaji, uHyundai uqinisekisa indawo yakhe njengomunye wabakhi bezimoto abahlanu abaphambili eNingizimu Afrika. 

Lokhu kukhula kukhombisa ukuthi abathengi basekhaya bayaqhubeka nokubona inani lemali yabo (value for money) ekukhetheni lo mkhiqizo wase-Asia.

Lokhu kwenza uHyundai aqhubeke nokudlondlobala naphezu kwezinselelo zomnotho.